Departamento ng Filipino at Iba Pang Wika

Layunin ng Departamento

1. Makagawa ng pananaliksik ukol sa mga wikain sa Pilipinas at panitikan ng iba’t ibang tribo sa Pilipinas, higit lalo sa Mindanao.
2. Mabigyan ng balyu ang mga akdang pampanitikan ng mga bansang Asyano at daigdig para sa kamalayang global.
3. Magamit ang wikang Filipino sa inobasyon, teknikal na gawain at komunikasyong panteknolohiya.
4. Makapagsulat ng mga akdang pampanitikang sumasalamin sa mga pangkat-etniko sa Pilipinas partikular sa Mindanao para sa pagpapanatili ng panrehiyonal at pambansang pagkakakilanlan.
5. Makapagsulat ng mga aklat at makapaglatahala ng mga babasahing naglalaman ng mga diyalektong Cebuano at Meranaw tungo sa mabisang komunikasyon at ugnayang kultural.
6. Makapagpatapos ng mga mag-aaral na may integridad at pakikipagkapwa-tao para sa pagtahak sa napiling propesyon – bilang guro ng wikang Filipino at panitikan, mananaliksik, manunulat, at tagapagsalin.

Batsilyer sa Arte sa Filipino

Ang programang Batsilyer sa Arte sa Filipino ay nakatuon sa pag-aaral ng wika na ang pangunahing tuon ay ang wikang Filipino – ang wikang pambansa ng Pilipinas.

Mga Tunguhin ng Batsilyer sa Arte sa Filipino

1. Malinang ang kakayahin ng mga mag-aaral sa wikang Filipino na magagamit nila sa iba’t ibang konteksto;
2. Mapalawak ang kaalaman ng mga mag-aaral sa interdisiplinaryong pananaw sa pag-aaral ng Filipino;
3. Malinang ang malikhain at kritikal na pag-iisap ng mga mag-aaral na magagamit sa kanilang propesyon at pakikipag-ugnayan sa komunidad, lokal man o internasyonal;
4. Makapagsagawa ng mapanuring pananaliksik na makakapagunlad sa disiplinang Filipino; at
5. Makapagbukas ng oportunidad para sa praktikal na aplikasyon ng mga kasanayan at kaalamang natamo.

Batsilyer sa Arte sa Panitikan

Ang programang Batsilyer sa Arte sa Panitikan ay isang interdisiplinaryong larang na nagbibigay ng pagkakataon sa mga mag-aaral na mapaunlad ang kanilang kritikal na pag-iisip sa pamamagitan ng pagsusuri sa iba’t-ibang produktong kultural.

Mga Tunguhin ng Batsilyer sa Arte sa Panitikan

1. Magamit ang analitikal at interpretatibong mga kasanayan sa pag-aaral ng teksto;
2. Matalakay at/o makabuo ang artistikong anyo at uri;
3. Makapamalas ng kasanayan sa pananaliksik na nakatuon sa mga disiplina sa ilalim ng humanidades;
4. Magamit ang angkop na mga teorya at metodolohiya sa paraang mapanuri at malikhain; at
5. Makasuri ng papel/tungkulin ng humanistikong edukasyon sa paghubog ng tao at lipunan.